धाैलागिरी लघुवित्त वित्तीय संस्था लिमिटेडको आईपीओ आज बाँडफाँट भएको छ ।
विक्री प्रबन्धक सनराइज क्यापिटलले आईपीओ आज आफ्नो कार्यालय कमलपोखरीमा बाँडफाँट सम्पन्न गरेको हो । कम्पनीको आईपीओमा मागभन्दा ७० दशमलव २२ गुणा बढी आवेदन परेको हुदा गोलाप्रथाद्वारा बाँडफाँट भएको छ ।
आईपिओमा कुल १८ लाख ६५ हजार ९ सय २६ जना आवेदकबाट आवेदन परेकोमा १२ सय ८६ जनाको आवेदन रद्द भएको क्यापिटलले जनाएको छ । योग्य रहेका १८ लाख ६४ हजार ६ सय ४० जना आवेदकलाई गोलाप्रथामा समावेश गराएर गोलाप्रथाको माध्यमबाट शेयर बाँडफाँड गरिएको छ ।
गोलाप्रथाबाट कुल ३० हजार ९ सय २९ जना आवेदकले शेयर पाएका छन् भने यी मध्य ५ जना आवेदकले थप १ कित्ता गरि कुल ११ कित्ता शेयर पाएका छन ।
कम्पनीले साउन २४ गते देखि २९ गते सम्म ३ लाख ३१ हजार कित्ता आईपीओ निष्कासन गरेको थियो । कुल कित्तामध्ये शून्य दशमलव ५ प्रतिशत अर्थात् ५ हजार १५५ कित्ता कर्मचारीहरूका लागि र ५ प्रतिशत अर्थात १६ हजार ५५० कित्ता सामूहिक लगानी कोषहरूलाई सुरक्षित गरीे बाँकी ३ लाख ९ हजार २९५ कित्ता शेयर सर्वसाधारणको लागि निष्कासन गरेको थियो ।
कसरि हेर्ने नतिजा :
१) नतिजा हेर्नको लागि https://iporesult.cdsc.com.np/ मा जानुहोला।
२) अाफुले हेर्नुपर्ने कम्पनी छान्नुहाेस ।
३) BOID नम्बर राखी देखिएकाे captcha भरी view result मा click गर्नुहाेस ।
४) त्यसपछि तपाईले आफ्नो नतिजा हेर्न सक्नु हुने छ।
