गोरखा । कीर्तिमानी आरोही सानु शेर्पाले चार दिनभित्र दुई पटक मनास्लु हिमालको सफल आरोहण गर्नुभएको छ । गएको बिहीवार मनास्लुको शिखरमा पुगेका शेर्पा चार दिनपछि साेमवार पनि शिखरमा पुग्नुभएको हो ।
मङ्गलवार काठमाण्डौ पुग्नुभएका शेर्पाले चार दिनभित्रै दुई पटक मनास्लु हिमालको सफल आरोहण गरेको जानकारी दिनुभयो । गोरखामा रहेको मनास्लु हिमाल आठ हजार एक सय ६३ मिटर अग्लो छ । हिमपहिरोको उच्च जोखिम रहेको मनास्लु हिमाललाई ‘किलर माउन्टेन’ को रूपमा पनि चिनिन्छ ।
आरोही सानु शेर्पाले आठ हजार मिटरभन्दा अग्ला संसारका १४ वटै हिमालको दोहोर्याएर आरोहण गरी विश्व कीर्तिमान बनाउनुभएको छ ।
२०७९ आश्विन १३, बिहीबार प्रकाशित
1 Minute
49 Views
