भाइटीका महोत्सवमा विदेशीले लगाए टीका
नेपालीहरूको महान चाड तिहारका अवसरमा पश्चिमाञ्चल होटेल सङ्घ पोखराद्वारा आयोजित १५ औँ भाइटिका महोत्सवमा ३५ जना विदेशीले भाइटीका लगाएका छन् ।
होटल सङ्घ पोखराले तिहारका अवसरमा भाइटीका महोत्सवलाई निरन्तरता दिँदै आएकोमा यस वर्ष १५ औं संस्करणको महोत्सव गरिएको सङ्घका अध्यक्ष लक्ष्मण सुवेदीले जानकारी दिए ।
लेकसाइडस्थित मम्स गार्डेन रिसोर्टमा आयोजित महोत्सवमा विदेशी पर्यटकलाई रेन्बो चिल्ड्रेन नेपालका दिदीबहिनीहरूले टीकासँगै माला, ढाकाको टोपी लगाइदिएका थिए ।
संस्कृतिका माध्यमबाट पर्यटन प्रवद्र्धन गर्दै पर्यटन क्षेत्रमा आशा जगाउने उद्देश्यका साथ महोत्सव आयोजना गरिएको सङ्घले जनाएको छ । सो भाइटीकामा जापान, स्वीटजरल्याण्ड, अमेरिका, फ्रान्स, जर्मनी, भारतलगायतका पर्यटक सहभागी थिए ।-RATOPATI
२०७९ कार्तिक ११, शुक्रबार प्रकाशित
1 Minute
72 Views
