एजेन्सी । TVS मोटर्सले भर्खरै सेप्टेम्बर २०२२ मा समाप्त भएको दोस्रो त्रैमासिकको नतिजा घोषणा गरेको छ। यस त्रैमासिकको लागि कम्पनीको खुद नाफा वार्षिक रूपमा झण्डै ४७ प्रतिशतले बढेर ४०७.५ करोड रुपैयाँ भारु पुगेको छ। अघिल्लो वर्षको सोही अवधिमा कम्पनीको खुद नाफा २७७.६ करोड रुपैयाँ भारु थियो ।

दोस्रो त्रैमासिक (जुलाई देखि सेप्टेम्बर) को लागि कम्पनीको राजस्व गत वर्षको ५७१९ करोड रुपैयाँ भारुको तुलनामा वार्षिक रूपमा २८.५ प्रतिशतले  बढेर ७२१९ करोड रुपैयाँ भारु पुगेको छ। यस त्रैमासिकमा कम्पनीको सञ्चालन नाफा करिब ३१.४ प्रतिशतले बढेर ७३६.४ करोड रुपैयाँ भारु पुगेको छ ।

अघिल्लो वर्षको सोही अवधिमा कम्पनीको सञ्चालन नाफा ५६२.९ करोड रुपैयाँ भारु रहेको थियो । यससँगै कम्पनीको सञ्चालन नाफा मार्जिन १० प्रतिशतबाट २०.२ प्रतिशतले बढेर १०.२ प्रतिशत पुगेको छ । दोश्रो त्रैमासिकको नतिजापछि सोमबारमा कम्पनीको स्टक १.८ रुपैयाँ वा ०.१६ प्रतिशतले बढेर १,११२.३५ रुपैयाँ भारुमा बन्द भयो।

कम्पनीले दोस्रो त्रैमासिकमा अहिलेसम्मकै उच्च राजस्व, इबिटा र नाफा आर्जन गरेको टिभिएसले जनाएको छ । कम्पनीको कुल दुई पाङ्ग्रे र तीन पाङ्ग्रे सवारी साधनको बिक्री गत वर्षको दोस्रो त्रैमासिकको ९.१७ लाख युनिटको तुलनामा सेप्टेम्बर त्रैमासिकमा निर्यात १२ प्रतिशतले बढेर १०.२७ लाख युनिट पुगेको छ।-AARTHIKNEWS